Во пресрет на Велигден, ви даваме идеја која можеби ќе биде инспиративна.
Во видеото подолу можете да погледнете како монасите на Хиландар бојадисуваат јајца за Велигден.
Во спомен на пролеаната невина крв и Воскресението Христово се бојадисуваат велигденски јајца. Црвената боја е симбол на радост и Воскресение. Јајцата се симбол на повторното раѓање и победата над смртта бидејќи кога ќе се скрши лушпата, од јајцето излегува нов живот.
Традицијата на боење јајца е многу стара и датира од античко време. Боење јајца првпат се споменува во 12 век, а во нашите птростори во 16 век, па бојата на јајцата има свое значење.
Црвената боја е симбол на радост и воскресение – затоа јајцата се бојадисуваат со оваа боја за Велигден. Првото јајце кое е обоено црвено се чува до следниот Велигден и претставува заштитник на семејството. Заедно со традиционалниот рецепт за бојадисување јајца со кора од кромид, има и идеи за модерно украсување и среќен Велигден во домот.
Според легендарната приказна, по Христовото воскресение, Марија Магдалена тргнала да ја пренесе веста за тоа и стигнала во Рим. Таму успеала да стигне до римскиот император Тибериј и застанала пред него со обично бело јајце во рацете, извикувајќи: – Христос воскресе.
Тибериј се насмеал и рекол дека можноста Христос да воскресне е иста како и можноста јајцето во раката на Марија да поцрвени. Се разбира, јајцето веднаш стана црвено.
Според друга приказна, Марија, мајката Христова, и Марија Магдалена под крстот ставиле корпа со јајца, на која Христос бил распнат, а неговата крв ги обоила јајцата во црвено. Марија Магдалена ги однела тие јајца на Тибериј како симбол на воскресението.
Значи, јајцето е симбол на нов живот, исто како што Исус воскресна на Велигден и на сите луѓе им овозможи нов живот без грев.
