Донеле одлука која ги изненадила речиси сите соседи.
Кога Американката Линзи Тејлор (35) од Патнама, во државата Конектикат се развела од сопругот Крис Кели (38) не ни можела да претпостави дека после неколку месеци ќе продолжи да живее со него, но и со својот нов сопруг.
Крис и Линзи во бракот ги добиле двете деца Џоана (5) и Лукас (7) кој е роден со автоимуна болест, па затоа неминовниот развод уште потешко паднал.
“Не ми беше лесно. Изнајмив поголем стан за мене и децата, додека Крис, со кој останав во добри односи остана сам во домот. Сама сакав да одам понатаму. Кога го запознав Мајк (52) на некој концерт, веднаш се заљубивме еден во друг и тој брзо се всели кај мене.
Забременив и го добивме синот Харисон. Но поради проблематичниот сопственик на станот моравме на улица. Тогаш се појави Крис со спасоносна идеја за заедничкиот живот”, вели Линзи.
Крис сакал двајцата да се грижат за децата, пред се за Лукас бидејќи морало некој постојано да биде со него.
“Ми предложи јас и Мајк да се вселиме со децата кај него. Убаво се согласував со поранешниот сопруг и не видов проблем во тоа. На Мајк сето тоа му беше чудно на почетокот. Не се чувствуваше пријатно во новата заедница со мојот поранешен сопруг, но се навикна. Се гледа дека Крис е океј човек” изјавила Линзи.
Линзи денес живее во голема куќа со стариот и новиот сопруг, но и три деца кои прекрасно се согласуваат. Сепак, некои правила морале да се воведат.
“За децата да чувствуваат блискост и семејна атмосфера, воведовме три пати неделно навечер со поранешениот сопруг Крис во двевната соба и со двете деца. Си играме, ги правиме домашните задачи, гледаме ТВ. Мајк е тука некаде, но тоа време обично го користи за свои обврски или излегува со другарите на пиво. Другите три вечери сум со него. Секако, децата секогаш се тука некаде.
Мажите велат дека засега се многу задоволни, јас уште повеќе. Ништо не им недостасува. Соседството на почетокот не игнорираше и ја бојкотираше оваа идеја, но сега се уверија дека сме луѓе на место”, вели Линзи правдајќи ја одлуката за заедничкиот живот во три економски и семејни причини.
“Не само што децата растат во здрава атмосфера со луѓе кои ги обожаваат, туку на овој начин успеваме да заштедиме повеќе пари отколку да живееме во одвоени куќи”, смета Линзи Тејлор.
