Зошто чувствуваме болка во колената ноќе?Зошто нè болат колената кога се менува времето: Еве како може да се смири болката во зглобовите
Ова е вистинкиот совет за сите оние кои мака мачат со болка во нозете кога нагло се менува времето.
Кога е ладно, дождливо или на повидок е нагла промена на времето, одеднаш започнуваат да ве мачат силни болки во зглобовите, особено во некои стари повреди? Се прашувате зошто е тоа така и каква врска имаат временските пригоди со зглобовите?Иако сè уште не се познати вистинските причинители за оваа состојба, сепак, се верува дека можните причинители би можеле да бидат:
- голема влажност
- -нагли промени на времето
нискиот воздушен притисок (тогаш зглобовите често отекуваат) - ниската температура (зглобовите тогаш се уште поболни, бидејќи студот влијае врз “подмачканоста” на зглобовите).
- Според студијата спроведена во 2014 година која беше објавена во BMC Musculoskeletal Disorders, дури 67% од лицата кои боледуваат од остеоартритис се чувствителни на промените на времето. Таквите лица почесто патат од другите од болни и вкочанети зглобови.
Можни причини за болни зглобови при промена на времето - Низок воздушен притисок или нагла промена на притисокот
Течноста која ги подмачкува нашите зглобови (синовијата) е чувствителна на нагли промени на воздушниот притисок. Притоа особено мислиме на пад на притисокот. При намален воздушен притисок синовијалната течност добива помал притисок и може да предизвика отекување и воспалителни процеси во околните ткива и зглобови.
При нагли промени на воздушниот притисок исто така, тетивите, ткивата и мускулите претрпуваат промени, односно се стегаат или шират. Тоа влијае врз зглобовите, кои последично стануваат сензитивни и болни.
Кај ниски температури течноста од внатрешноста на вашите зглобови станува густа и помалку подвижна. Поради тоа, тие стануваат крути и нефлексибилни со што се отежнува секое движење. Зглобовите се најболни во време на нагло опаѓање на температурата на воздухот.
Според мислењето на експертите, за време на постудените денови крвта засилено струи кон виталните органи, како што се срцето и белите дробови. Тоа значи дека е намален дотокот на крв кон екстремитетите и зглобовите. И тоа може да биде едно од објаснувањата за зголемена болност на зглобовите.
