Кучето Дино од неодамна е новиот службеник на Меѓународниот аеродром Скопје
Се работи за тригодишно куче од расата златен ретривер кој не е обично куче, туку Зен-куче, и има свои специфични задачи на „работа“.
Дино е обучен да дава позитивна енергија за патниците, односно да уживаат во моментите на релаксација со него пред да продолжат со своето патување, а истиот има свои сопственици кои му дозволуваат да „оди на работа“.
Неговото работно време е усогласено со периодите на најголемите полетувања од аеродромот.
За да овозможи порелаксирачко и попријатно патување, Меѓународниот аеродром Скопје го започна лансирањето на новиот проект Зен Дог, а реакциите на патниците се повеќе од позитивни.
Пријателското и добро обучено терапевтско куче, по име Дино, ги има своите сопственици „го пуштаат да оди на работа“ и е достапно, во одредени денови, во клучните области на аеродромот за да обезбеди удобност и ослободување од стрес на патниците.
Патувањето понекогаш може да биде стресно, а воведувањето на терапевтско куче има за цел да создаде смирувачко опкружување за патниците и да шири позитивна атмосфера. Терапиското куче, опремено со специјален елек, ќе биде на излезната врата од терминалот, каде што патниците ќе можат да поминуваат време со него пред летот.
Терапиското куче е дел од постојаната посветеност на аеродромскиот оператор ТАВ Македонија за подобрување на искуството на патниците и поттикнување пријателска, релаксирачка атмосфера на аеродромот. Иницијативата е дизајнирана да ги надополни другите поволности и услуги кои даваат приоритет на благосостојбата на патниците.
