Лажна пита со пилешко месо и топено сирење: Сочна е, се подготвува за помалку од 20 минути, а рецептот е многу лесен
Ако сте љубители на пита или шпански омлет, тогаш овој рецепт дефинитивно ќе ви се допадне.
Тој е помеѓу овие две јадења, а не наликува на типична пита бидејќи не содржи кори, ниту тесто. А не е ни типичен шпански омлет, но затоа е превкусно јадење кое може да се нарече „лажна пита“.
Уживајте во овој рецепт кој лесно и брзо се подготвува.
- Потребни состојки:
- 1 пилешко филе
- 2 лажици путер
- 4 јајца
- ½ лажичка оригано
- 1 лажица брашно
- 1 лажица крем сирење
- магдонос
- 2 домати
- 100 гр. тврдо сирење
Начин на подготовка:
Белото месо исечете го на коцки, па пропржете го на истопен путер. Додајте сол и црн бибер.
Изматете ги јајцата. Додајте сол и црн бибер, оригано и измешајте. Додајте 1 лажица брашно, па продолжете да матите. Додајте го и крем сирењето и сè добро соединете со миксер или жица.
Додајте го сечканиот магдонос, промешајте и прелијте преку белото месо. Доматите исечете ги на кругови, па наредете ги одозгора. Посипете со ренданото сирење, па поклопете. По 10 минути јадењето е готово.
