Германската канцеларка Ангела Меркел ќе добие пензија од околу 15.000 евра, според пресметките на Германското здружение на даночни обврзници.
Меркел, која има 67 години, се повлекува од политичкиот живот по парламентарните избори во септември.
Пензијата се пресметува врз основа на платите што ги добивала како претставник во федералниот парламент, федерална министерка и канцеларката.
Како и сите поранешни канцелари и претседатели, Меркел ќе има право на официјален кабинет. Државата ќе и плати и секретарка во кабинетот, двајца асистенти, дактилограф и возач, пренесува Јутарњи лист.
Ангела Меркел е канцеларка од 2005 година, а во 2018 година поднесе оставка од челната позиција на Христијанско -демократската унија (ЦДУ) и објави дека нема да се кандидира за петтиот канцеларски мандат.
Во јули, таа изјави дека по напуштањето на функцијата, планира добро да се одмори и да размисли што навистина ја интересира. За тоа, како што рече, немала време 16 години како канцелар.
И тогаш можеби ќе се обидам да прочитам нешто, и очите ќе ми се затворат затоа што сум уморна, па ќе заспијам и потоа ќе видам, рече таа.
Таа додаде дека нема да и недостига времето кога постојано носела одлуки, иако таа навика веројатно ќе значи дека постојано ќе размислува што треба да направи.
И тогаш многу брзо ќе се сетам дека некој друг го прави тоа сега. И мислам дека ќе бидам многу среќна поради тоа, рече Меркел.
