Направете дупла доза затоа што ќе се потроши дури трепнете: Стар рецепт за сутлијаш кој се топи во уста
Сутлијашот е еден од оние едноставни десерти којшто потсетува на детството и бабите кои постојано ни го подготвуваа.
Само неколку состојки се потребни за да се направи совршениот десерт чиј вкус долго не може да се заборави.
- Состојки:
- 2 децилитри ориз;
- 1 литар млеко;
- 1 ванилин шеќер;
- 8 лажици шеќер;
- малку цимет;
- прстофат сол.
Подготовка:
Добро измијте го оризот во вода, а потоа ставете го во тенџере и додадете вода.
Оставете да се вари и додадете прстофат сол. Кога водата ќе зоврие, намалете ја температурата и додадете околу еден децилитар вода. Важно е постојано да мешате со лажица за оризот да не се залепи на дното од тенџерето и да не загори.
Кога водата ќе испари, додавајте млеко, но не цело одеднаш, туку малку по малку и постојано мешајте. Кога оризот ќе го впие млекото, додавајте уште.
Кога оризот е сварен и млекото згуснало, додадете шеќер и ванилин шеќер, помешајте.
Пред да го послужите, оставете го сутлијашот во затворено тенџере уште 10-на минути да отстои.
Додадете цимет по желба и уживајте.
На здравје!
