Како последица на дефицит од овој витамин, косата опаѓа и се јавуваат промени на кожата
Сите витамини имаат своја улога во функционирањето на организмот и не може да се каже за ниту еден витамин или минерал дека е неважен.
Како последица од пандемијата на коронавирус, сите научивме многу за витамините и нивната улога во зачувувањето на здравјето. Како главни витамини се споменуваат витамините Ц, Е и Д.
Меѓутоа, има уште многу моќни витамини за кои не се зборува и кои се неправедно занемарени, а поволно дејствуваат на целиот организам. Таков е и витаминот Б7, кој уште се нарекува и биотин, а кој има важна улога во создавањето енергија што им е потребна на клетките. Исто така, Б7 е важен и за одржување на нормалното ниво на шеќер во крвта.
Одговорен е и за претворање на храната што ја јадеме во енергија, а со самото тоа и за нормалното функционирање на метаболизмот. Ја подобрува нервната сигнализација, мемориската функција и генерално здравјето на мозокот. Докажано е дека може да помогне во регулирањето на холестеролот.
Освен тоа, многу е важен за убавиот изглед на косата, кожата и ноктите.
Симптомите што може да се јават како последица на недостиг од овој витамин се промени на кожата, сув и масен кожен осип, опаѓање на косата, повраќање, мачнина, губење апетит, замор, исцрпеност…
Доколку забележувате вакви симптоми, секако би требало да одите на лекар и да го проверите нивото на овој витамин.
Витаминот Б7 се содржи во многу намирници кои пожелно е редовно да ги има на вашето мени. Еве за која храна станува збор:пилешко месо,леб,риба,жолчка,печурки,морков,леќа,карфиол,чоколадо банана.
Она што би требало да го имате на ум, особено ако имате дефицит од овој витамин, е дека неговата апсорпција ја намалуваат кафето, алкохолот и антибиотиците.
