Поради една грешка машината за перење троши двојно повеќе струја.Иако на секоја кутија детергент имате препорака колку треба да додадете за еден циклус на перење, повеќето производители претеруваат за да трошат повеќе производ и почесто да го купуваат.Имено, покрај тоа што вишокот детергент остава бели дамки на вашата облека, вишокот прав ќе ви ги затне и одводите, поради што машината за перење ќе троши двојно повеќе струја за перење.
„Пред сè, важно е да се нагласи дека повеќе детергент не значи и почисто перење, иако повеќето луѓе мислат така и затоа луѓето претерано го истураат прашокот, а всушност само ги оштетуваат алиштата и машината“, вели Мери Гаљарди, експертка за перење во фабрика за ткаенини.
„Три елементи се неопходни за добро перење: температура на водата, центрифуга и комбинација на детергент и омекнувач. Само кога овие три елементи се оптимизираат, алиштата навистина ќе бидат чисти“, објаснува таа.
Гаљарди советува дека е важно да се избере оптимална температура за перење бидејќи повисока температура (колку што дозволуваат материјалите) значи почисто перење.
„Изберете програма со подолго и дополнително плакнење. Што се однесува до детергентот, важно е да е квалитетен. Можно е упатството да вели да се користи повеќе детергент отколку што е потребно. Ова ќе го знаете ако алиштата многу се пенат за време на циклусот на перење. Во овој случај, обидете се да најдете најмала можна количина на детергент препорачана на пакувањето. Ако не е наведено, едноставно намалувајте ја количината додека не ја најдете идеалната мерка“, советува Гаљарди.
Експертката додава дека е најпаметно да го мерите прашокот и да не го истурате директно во машината за перење, бидејќи само така сигурно ќе знаете колку сте ставиле.
