Жена призна дека знаела оти свадбата ќе биде „многу инстаграмска“.
Сакате вашето семејство да ве сака и прифаќа без оглед на тоа како изгледате. Но, една жена се посомнева дека тоа не важи за нејзиното семејство, откако не добила покана за „многу инстаграмска“ свадба на нејзината сестра – и почувствувала дека тоа можеби е поради нејзиниот изглед.
Таа раскажа дека свадбата на нејзината сестра била закажана за август минатата година, и како што одминуваше времето, станувало јасно дека таа и нејзиниот сопруг не се поканети. „Ја прашав мајка ми и таа ми го потврди тоа, рече дека го прашала татко ми и тој само рекол дека не сака да се меша“, објаснила жената на форумот Mumsnet.
Жената призна дека знаела дека свадбата ќе биде „многу инстаграмска“, и дека таа и нејзиниот маж „не се вклопуваат“ во таа естетика.
„Сите нивни пријатели се гламурозни, а ние сме обични и дебели“, изјавила, и додала: „Ги поканија сите освен нас.“
Потоа прашала дали е „нерационална“ што се чувствува „тажно и повредено“ затоа што не била поканета на свадбата.
„Па, сега знаеш што навистина мислат за тебе. Немаат потреба повеќе ни да се претвораат“, бил еден од коментарите.
„Само игнорирај ги отсега. Го покажаа своето вистинско лице. И биди среќна што не мораш да трошиш илјадници фунти за да одиш во странство и да славиш свадба на некоја која е кучка. Не им ни праќај подарок. Нема покана, нема подарок“, бил уште еден коментар.
А вие што мислите? Како би постапиле во ваква ситуација?
