Необична глетка од траект во Хрватска ги вознемири корисниците на социјалните мрежи: “Така ли се пренесува живо суштество?
На Фејсбук страницата “Prometne zgode i nezgode” била објавена фотографија на која е снимена приколка на траект, во која се наоѓа жив тигар. Иако засега нема потврда за автентичноста на фотографијата, глетката ги вознемирила корисниците на социјалните мрежи.
“И така ли се пренесува живо суштество? Под церада на оваа горештина во толку мала приколка?”, е само една од реакциите под објавата на Фејсбук.
“Тага, што се луѓето ќе направат за забава, во најдобра варијанта за кутрото животно да го однесат во некоја зоолошка градина, во која нема ни приближно слобода како во дивината. До каде ќе оди човековата нечовечност?”, пишува во друг коментар.
