Во Српскиот град Нови Пазар, Сеад Бихорац сопственик на пекарницата „Клас“, и покрај тоа што со години им дели бесплатен леб на оние што им треба, во ноември 2024 година започна да гради зграда со шест станови кои ќе им ги подари на самохрани мајки и нивните деца, пишуваат локалните медиуми…
Откако неговата одлука да подели бесплатен леб на оние на кои им е најпотребен наиде на ентузијазам во цела Србија, сега Новопазарац отиде чекор понатаму. Овој човек со големо срце започна значаен потфат – изградба на станбена зграда со шест стана наменети за самохраните мајки и нивните деца.
Оваа вест Сеад ја сподели на социјалните мрежи, нагласувајќи дека становите се наменети за децата без татковци и нивните мајки кои храбро се борат за егзистенција.
„Вакви луѓе не сретнуваш секој ден“
„Сеад Бихорац, покрај тоа што им дели бесплатен леб на оние кои не можат да си го дозволат, покрај тоа што за време на Рамазан можете секоја вечер да доаѓате и да пиете топли напитоци за ифтар за себе и вашето семејство, пред два дена почна да гради зграда од 6 стана кои ќе бидат донирани на самохрани мајки со деца, односно деца кои немаат татко.
Застанете малку за да можеме сите да го поздравиме тоа што овој човек го прави со години, бидејќи вакви луѓе не се среќаваат секој ден“, стои на официјалната Фејсбук страница „Интересно“.
Како што претходно истакна Сеад – кога неговата несебична помош во форма на бесплатен леб и други пекарски производи стана вирална – неговата иницијатива не е реклама, туку искрена желба да го намали гладот и да и помогне на заедницата.
Зградата од шест стана во моментов е во изградба, а планот е што поскоро да биде завршена и подготвена за новите станари.
