Најголемата балканска sвезда, Светлана Цеца Ражнатовиќ, зема дури 6.000 евра за една објава на Инстаграм, а, како што пишуваат медиумите во соседна Србија, таа соработува само со докажани брендови.
– Цеца не дозволува да застане зад компанија за која не може навистина да се гарантира. Таа не сака да го дискредитира своето име и презиме поради пари, па затоа многу внимателно одбира со кого ќе соработува. Сепак, на крајот добро е платена за реклама – вели извор за „Информер“.
Цеца на Инстаграм по заработка ја следат Анастасија Ражнатовиќ, Сека Алексиќ, Теодора Џехверовиќ и Маја Беровиќ, кои достигнаа магичен број од еден милион следбеници.
– Таса, Сека, Теодора и Маја имаат јасно дефинирани ценовници кои нивните соработници им ги нудат на заинтересираните клиенти. Објавувањето кај нив на ѕидот чини околу 2.500, додека за стори тие бараат 1.500 евра.
Цената за стори е пониска затоа што останува на профилот само 24 часа, но многумина се одлучуваат за оваа опција затоа што има одличен ефект. Наташа Беквалац, која има околу 800.000 следбеници, зеде 3.500 евра за објава на ѕидот и побара 2.000 евра за стори.
Сите пејачи исто така имаат попусти доколку остварат долгорочна соработка со компанија или профил. Значи, најисплатливо е веднаш да се плати пакет од три месеци – вели изворот.
Сепак, не сите објави на нивните профили се платени.
– Кога промовираат гардероба, најчесто станува збор за компензација. Сека Алексиќ се смета за личност која најчесто се согласува на ваква соработка.
Сака да поддржува мали брендови, па затоа често ги рекламира, а тие и ги испраќаат своите производи – објаснува соговорникот.
Цеца Ражнатовиќ гостуваше во емисијата „Магазин Ин“ заедно со претседателот на Народното собрание на Србија Ивица Дачиќ, министерот за одбрана Небојша Стефановиќ, пејачот на „Тропико бенд“ Александар Цветковиќ, популарниот Сале Тропико.
Во еден дел, фолк ѕвездата изјави дека порано немала пари, па морала да позајмува.
– Имав такви животни ситуации што навистина ми снема динари и морав да позајмам пари за да ги покријам основмите трошоци … – рекла Цеца.
– И никој не би поверувал во тоа – рече министерот Стефановиќ.
