Заборавете на термостатот! Со овие 3 трикови домот станува топол за минутa.
Зимата пристигнува, а со неа и желбата да го затоплиме домот без да ги зголемиме сметките за струја и греење. Според експертите од „Луксурс сервисед апартментс“, тајната не е во подигање на термостатот, туку во зачувување на топлината – хотелски трик што може да го зголеми чувството на топлина и до 5°C.
Најголем проблем се прозорците, преку кои може да се изгуби и до 40% од топлината во домот. Затоа, хотелите користат едноставни, но ефективни решенија за да спречат овој топлински „бег“.
1. Завеси – најсилниот штит против студ
Навлечете ги завесите пред зајдисонце, бидејќи губењето топлина се зголемува со паѓањето на дневната светлина. Дебелите, тешки завеси се најдобри, но и обичните помагаат да се задржи топлината и да се намали провевот.
2. Хотелски трик со постелнина
Наместо едно дебело ќебе, користете неколку потенки слоеви. Топлиот воздух што се задржува меѓу нив создава подобра изолација. Комбинирајте лесно термално ќебе, прекривка и волнено или руно ќебе.
Фланелските чаршафи дополнително даваат чувство на топлина.
3. Теписи и распоред на мебел
Ладните подови ја „крадат“ топлината од просторијата. Мал тепих покрај креветот или во дневната соба може значително да ја подобри изолацијата.
Проверете и дали мебелот ја блокира топлината од радијаторите – фотелја или кревет поставени пред нив може да спречат правилно циркулирање на топлиот воздух.
Со правилни мали промени, домот може да стане значително потопол – и без да се допира термостатот.
