“При 10 хирурзи во Битола, пациент за катетер се препраќа во Прилеп” – Упат кој покажува во каква состојба е македонското здравство
Пратеникот Антонио Милошески на социјалните мрежи објави специјалистички упат кој, според објавата го добил пациент во битолската клиничка болница, а со кој бил препратен за поставување на катетер во болницата во Прилеп.
Лекарот кој интервенирал на пациентот во Прилеп, на многу убав начин му напишал упатство за понатамошно лекување.
Според она што стои во објавениот упат, цитираме:
“За срамота, при 10 хирурзи во клиничка болница во Битола, се праќа пациент во Прилеп за поставување на катетер на пациент со ретенција. Крајно време е директорот да си превземи мерки и повеќе да не се случуваат вакви работи. Здравството во Битола го допре дното”.
